九龍城區體育會
【球員簡介⚽️💁🏻♂️】
平均年齡唔超過25歲嘅九龍城隊，球隊內其實有唔少有超聯聯賽經驗嘅球員，今日介紹嘅中堅霍柏軒，過往就曾經效力超聯球隊。
22號霍柏軒自中一參加校隊開始接觸足球，之後一直熱衷於足球運動上，2018年起開始效力甲、乙組球隊，參與菁英盃等香港聯賽。
問到柏軒點解會喺今季加入九龍城隊，佢就提到松鼠(5號吳文軒)同啟耀(29號黃啟耀)兩位中場嘅名字。原來柏軒好耐之前已經認識兩位，加入九龍城就係希望可以一班Friend一齊踢。佢仲提到，九龍城隊嘅成員比起其他球隊多後生仔，夾起上嚟氣氛好啲，感覺到大家係一條心，踢好每場波。
佢坦言球隊成績同預期有少少落差，球隊新舊球員需要時間磨合，但感覺到球員之間越嚟越有默契，每一場比賽提場同走位都比上一場好，希望球隊能夠喺未來一至兩年時間做到成績，甚至升班。
•••••••••••••••••••••••••••••••••••••••••••••••••••••••••••••••••
【個人檔案🧍🏻♂️】
姓名：霍柏軒 （柏軒）
位置：後衛 / 中堅
球衣號碼：22
出生日期：18/3/1999 （22歲）
身高：175cm
體重：85kg
速度：⚽️⚽️⚽️◯◯
射門：⚽️⚽️⚽️◯◯
傳球：⚽️⚽️⚽️⚽️◯
盤球：⚽️⚽️◯◯◯
防守：⚽️⚽️⚽️⚽️⚽️
體能：⚽️⚽️⚽️⚽️◯
Comments